Athygli almannatengsl - Fréttir 2006
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Vegna aukinna umsvifa Samskipa í Mið-Ameríku hefur verið samið við flutningafélagið Container Transport Solutions Inc. í Panama um að vera umboðsaðili félagsins í þessum heimshluta.
Í dag kom út ferðaáætlun Útivistar fyrir árið 2007 en um er að ræða 36 síðna blað sem dreift var til áskrifenda Morgunblaðsins á höfuðborgarsvæðinu og á Suðurnesjum. Athygli er útgefandi ritsins og annaðist jafnframt auglýsingaöflun og umbrot. Þetta er í fjórða sinn sem Athygli hefur þetta verkefni með höndum. 
Í dag var dreift til áskrifenda Morgunblaðsins og í öll hús á Akureyri blaðinu Akureyri - eins og í útlöndum!, sem Athygli og Kaupmannafélag Akureyrar gefa út.
Njörður P. Njarðvík, rithöfundur og fyrrverandi prófessor, hlýtur Barnamenningarverðlaun Velferðarsjóðs barna árið 2006 fyrir ómetanlegt starf til hjálpar munaðarlausum börnum í Afríku. Verðlaunaféð, fjórar milljónir króna, verður nýtt til frekari uppbyggingar á heimilum fyrir munaðarlaus börn á vegum hugsjónafélagsins SPES.
Annað tölublað AT tímarits 2006 er komið út en það er gefið út af Athygli ehf. í samvinnu við Arkitektafélag Íslands og Félag íslenskra landslagsarkitekta. Blaðið er stútfullt af áhugaverðu efni um arkitektúr, skipulag og landmótun.
Blaðið Hafnarfjörður - Velkomin í Jólaþorpið kom út í vikunni. Eins og nafnið ber með sér er Jólaþorpið á Thorsplani og fjölbreytt dagskrá á aðventunni tilefni þessar útgáfu. Starfsfólk Athygli ehf. hafði umsjón með útgáfu blaðsins, sá um efnisöflun, sölu auglýsinga og umbrot. 
Valgerður Bergsdóttir er handhafi heiðursverðlauna Myndstefs árið 2006 sem forseti Íslands afhenti við hátíðlega athöfn í Listasafni Íslands í dag. Viðurkenninguna hlýtur Valgerður fyrir hönnun og gerð steindra glugga í Reykholtskirkju og fyrir sýningarnar Teikn og hnit og AND-LIT í Gerðarsafni fyrr á þessu ári. Jafnframt er Valgerður heiðruð fyrir fjölþætt störf á vettvangi íslenskrar myndlistar sem kennari, stjórnandi og myndlistarmaður.
Hydro hefur opnað skrifstofu á Íslandi með það að markmiði að leita uppi og þróa ný umhverfisvæn viðskiptatækifæri á sviði ál- og orkuframleiðslu. Norður-Atlantshafsskrifstofan er til húsa að Smiðshöfða 1 í Reykjavík og þjónar bæði Íslandi og Kanada.
Sex myndhöfundar, þrjár konur og þrír karlar, keppa um heiðursverðlaun Myndstefs, myndhöfundasjóðs Íslands, sem forseti Íslands úthlutar við hátíðlega athöfn þann 21. nóvember næstkomandi.
Ný og endurbætt kynslóð metanbíla frá Volkswagen, EcoFuel, er komin á markað hér á landi og afhenti Knútur G. Hauksson, forstjóri HEKLU, fulltrúum Sorpu sex slíka bíla við athöfn í höfuðstöðvum HEKLU í dag. Með tilkomu nýju bílanna verða metanbílar á götum borgarinnar orðnir um 60 talsins en sex ár eru frá því að fyrstu bílarnir komu á markað hérlendis. HEKLA hefur flutt inn ríflega helming þessara bíla, eða alls 35 metanbíla.
Mikilvægt er að hestamenn noti öryggisbúnað og nýrrar hugsunar er þörf í reiðvegamálum. Þá eimir enn eftir af því viðhorfi að neysla áfengis og hestamennska fari saman, þó lítill hluti hestamanna eigi þar hlut að máli. Þetta var meðal þess sem fram kom í erindum framsögumanna á opnum fundi sem Vátryggingafélag Íslands hélt á Selfossi í gærkvöld um forvarnir í hestamennsku. 
Alls komu hátt í 8.000 gestir á sýninguna KONAN 2006 sem fram fór í Laugardalshjöll um helgina og ríkti mikil ánægja meðal bæði gesta og þátttakenda með sýninguna þar sem yfir 100 fyrirtæki sýndu og/eða kynntu vörur eða þjónustu sérstaklega ætlaða konum.
Guðrún Adolfsdóttir matvælafræðingur hlaut í dag Fjöreggið, verðlaun Matvæla- og næringarfræðafélags Íslands. Það var Einar K. Guðfinnsson sjávarútvegsráðherra sem afhenti Guðrúnu Fjöreggið við upphaf ráðstefnu sem haldin var í tilefni matvæladags MNÍ.
Athygli almannatengsl » Suðurlandsbraut 30 » 108 Reykjavík » Hafnarstræti 82 » 600 Akureyri
Sími 515 5200 » Fax 515 5201 » www.athygli.is » athygli@athygli.is
Athygli er styrktaraðili Krabbameinsfélags Íslands
Sími 515 5200 » Fax 515 5201 » www.athygli.is » athygli@athygli.is
Athygli er styrktaraðili Krabbameinsfélags Íslands