Athygli gaf í dag út blaðið Akureyri sem helgað er verslun, þjónustu, menningu og öðru áhugaverðu efni sem tengist Akureyri og nágrenni. Við vinnslu blaðið er samstarf við Kaupmannafélag Akureyrar, Akureyrarstofu og fleiri aðila. Í blaðinu er til að mynda að finna yfirlit um alla viðburði á dagskrá Aðventuævintýris á Akureyri til jóla.

Samskip hafa verið styrktaraðili UNICEF á Íslandi frá upphafi og í tilefni dags rauða nefsins á morgun gaf félagið öllu starfsfólki rauð nef sem sett voru upp í dag, í árlegum hátíðarmat félagsins. Með kaupum á rauðum nefjum fyrir starfsfólkið vilja Samskip leggja sitt af mörkum til söfnunar UNICEF.

Mikil andlitslyfting hefur verið gerð á vef HRV Engineering og var hann settur formlega í loftið við athöfn 30. nóvember sl., á 15 ára afmæli fyrirtækisins.Nýi HRV vefurinn er á ensku og byggir á eldri vef félagsins sem unnin var af Athygli og Atómstöðinni upp úr aldamótum og var hann því orðinn barn síns tíma.

Athygli hafði umsjón með verkinu í samstarfi við HRV, skipulagði veftré, lagði til texta og hafði hönd í bagga með vali á myndum og innsetningu efnis. Veffyrirtækið Skapalón, arftaki Atómstöðvarinnar, var svo fengið til að hanna vefinn og annast innsetningu efnis en vefurinn er keyrður á nýjasta Disel-vefkerfinu frá Skapalóni.

VR hefur hrint af stað herferð til að mótmæla óásættanlegu atvinnuleysi meðal félagsmanna sinna en það hefur nánast fimmfaldast á þremur árum. Til að vekja athygli á atvinnuleysinu hefur VR látið útbúa endurskinsborða fyrir hvern atvinnulausan VR félaga og voru borðarnir hengdir upp við Kringlumýrarbraut í gærkvöldi.

Birna Þórarinsdóttir stjórnmálafræðingur hefur verið ráðin framkvæmdastýra Evrópustofu – upplýsingamiðstöðvar ESB, sem opnuð verður eftir áramótin. Markmið Evrópustofu er að veita hlutlægar upplýsingar og auka umræðu, þekkingu og skilning á eðli og starfsemi ESB.

Athygli gaf í dag út blaðið Sóknarfæri - frumkvæði og fagmennska í íslenskum atvinnulífi. Í blaðinu er fjölbreytt efni sem tengist atvinnulífi, nýsköpun, hönnun, iðnaðarframleiðslu og mörgu öðrum. Sóknarfæri er 44 síður að stærð og var því dreift um land allt með Morgunblaðinu í dag.

.

 Landsnet hefur opnað upplýsingavef um háspennuloftlínur og jarðstrengi. Markmiðið er að þar geti allir sem áhuga hafa fundið á einum stað helstu staðreyndir um kosti og galla lína og strengja, stefnumótun í þessum efnum, bæði heima og erlendis, sem og fjölmiðlaumfjöllun hérlendis um þetta umdeilda málefni.

Kostir og gallar mögulegra sameininga háskólanna í kjölfar kreppu verða í brennidepli á ráðstefnu sem Fræðagarður, eitt af aðildarfélögum Bandalags háskólamanna, efnir til á Grand hótel næstkomandi þriðjudag undir yfirskriftinni: Gildi háskólamenntunar – sameining háskólanna, kostir og gallar.

Ef þú ert framleiðandi, dreifingaraðili eða innflytjandi er nauðsynlegt fyrir þig að þekkja reglurnar um CE merkingar sem nú er verið að uppfæra og skerpa. CE merking sem gerð er samkvæmt reglum EES felur einnig í sér mikil tækifæri því hún opnar greiða leið fyrir vörur inn á Evrópumarkaðinn. Merkingunni fylgja hins vegar einnig ýmsar skyldur sem þarf að uppfylla áður en CE merkt vara er sett á markað.

Athygli hefur gefið út blaðið Sóknarfæri - frumkvæði og fagmennska í íslenskum sjávarútvegi. Í blaðinu er fjölbreytt efni sem tengist greininni, m.a. fjallað um Íslensku sjávarútvegssýninguna, nýafstaðna Sjávarútvegsráðstefnu, rætt við forsvarsmenn þjónustufyrirtækja, útgerðarmenn í Vestmannaeyjjum og fleira og fleira. Fjögurra síðna blaðauki er um nýja varðskipið, Þór, og prýðir skipið forsíðu blaðsins. Sóknarfæri er 40 síður að stærð og var því dreift um land allt með Morgunblaðinu 3. nóvember

Athygli hefur gefið út blaðið Sóknarfæri - frumkvæði og fagmennska í íslenskum sjávarútvegi. Í blaðinu er fjölbreytt efni sem tengist greininni, m.a. fjallað um Íslensku sjávarútvegssýninguna, nýafstaðna Sjávarútvegsráðstefnu, rætt við forsvarsmenn þjónustufyrirtækja, útgerðarmenn í Vestmannaeyjjum og fleira og fleira. Fjögurra síðna blaðauki er um nýja varðskipið, Þór, og prýðir skipið forsíðu blaðsins. Sóknarfæri er 40 síður að stærð og var því dreift með Morgunblaðinu um land allt þann  3. nóvember.

.