Athygli almannatengsl

Áskrifendur Morgunblaðsins um allt land og öll heimili á Akureyri fengu í dag blaðið Akureyri Ísem Athygli gefur út í samvinnu við Kaupmannafélag Akureyrar og Akureyrarstofu. Þetta er í sjöunda sinn sem Athygli stendur að slíkri útgáfu á aðventunni.

Akureyrarblaðið er stútfullt af efni og víða leitað fanga hjá fólki og fyrirtækjum í höfuðstað Norðurlands. Sem fyrr er fjallað vítt og breitt um málefni bæjarins frá ýmsum sjónarhornum: verslun og þjónustu, iðnað, menningarmál, afþreyingu og fleira.

Jóhann Ólafur Halldórsson, hjá Athygli á Akureyri, ritstýrði blaðinu og skrifaði það að stórum hluta. Hann naut aðstoðar fleiri blaðamanna, bæði starfsmanna Athygli og annarra.

Hönnun og umbrot annaðist Akureyringurinn Gulli, Guðmundur Þorsteinsson, hjá Athygli í Reykjavík. Ingibjörg Ágústsdóttir annaðist auglýsingasöluna og Landsprent sá um prentvinnsluna.

Fyrstu eintök Akureyrarblaðs renna úr vélum Landsprents að kveldi fullveldisdagsins 1. desember. Á vettvangi voru Valþór, Atli Rúnar og Gulli frá Athygli og með þeim (þriðji frá vinstri) er Stefán Stefánsson prentari. Myndi Helgi Hannes Atlason