Athygli almannatengsl

Við losun Hvassafells – leiguskips Samskipa – í Rotterdam í gær kom í ljós að talsverður sjór hafði komist í eina lest skipsins þar sem m.a. voru gámar sem innihalda efnið „Aluminium Dross“, sem við snertingu við vatn hvarfast og veldur þá hita og jafnvel íkveikju.

Í tilefni af fréttaskýringu í Morgunblaðinu laugardaginn 20. desember og Staksteinum blaðsins sunnudaginn 21. desember lýsir stjórn KPMG á Íslandi yfir furðu sinni á þessum skrifum blaðsins og spyr sig hvort Morgunblaðið sé í ófrægingarherferð á hendur félaginu. Stjórn KPMG sér sig því knúna til að senda frá sér yfirlýsingu þar sem órökstuddum ásökunum og dylgjum Morgunblaðsins er harðlega mótmælt. Við lýsum ábyrgð á hendur Morgunblaðinu, einum virtasta fjölmiðli landsins og furðum okkur á svo óvandaðri blaðamennsku.

Katrín Júlíusdóttir alþingismaður og formaður styrktarsjóðsins Faðms tók í gær við jólastyrk Lyfjavers í húsakynnum apóteksins að Suðurlandsbraut 22. Faðmur, sem er styrktarsjóður á vegum samtakanna Heilaheilla, styrkir foreldra sem hafa fengið heilablóðfall og sem eru með börn 18 ára og yngri á framfæri sínu.

Framkvæmdastjórn Evrópusambandsins hefur lagt til að hefðbundnar ljósaperum, svokallaðar glóperur, verði bannaðar og að þeim verði á næstu árum skipt út fyrir sparperur og aðra ljósgjafa sem nota minni orku.

Landsnet undirbýr endurnýjun og styrkingu raforkuflutningskerfisins á Suðvesturlandi. Framkvæmdakostnaður er áætlaður um 22 milljarðar króna á verðlagi í ágúst 2008 og mannaflaþörf um 380 ársverk. Drög að matsáætlun vegna framkvæmdanna hafa nú verið lögð fram til kynningar og er athugasemdafrestur til 16. desember næstkomandi.

Á fjórða tug starfsmanna af erlendum uppruna hjá Samskipum luku í vikunni námskeiði í íslensku sem félagið stendur fyrir og hefur notið styrks frá menntamálaráðuneytinu. Þetta er þriðja önnin sem markvisst íslenskunám fer fram í vinnutíma fyrir alla erlenda starfsmenn Samskipa.

Hjá Samskipum, sem á dögunum hlutu Starfsmenntaverðlaunin 2008 í hópi fyrirtækja, er nýlokið 10 vikna leiðtoganámskeiði fyrir konur til að bæta hæfni í mannlegum samskiptum og efla sjálfstraust og tengslanet. 

Landssamtök lífeyrissjóða búa landsmenn undir skerðingu lífeyrisréttinda á fyrri hluta árs 2009 sem bein afleiðing þess að eignir sjóðanna rýrna í fjármálakreppunni miklu. Of snemmt er hins vegar að segja til um hverjar lyktir mála verða þegar upp verður staðið að gerningaveðrinu loknu.

Mitsubishi Heavy Industries hefur um langt skeið lagt Íslendingum til hverfla í vatnsafls- og jarðhitavirkjanir. Í dag verður stigið nýtt skref í samstarfi við Mitsubishi sem m.a. miðar að innleiðingu rafbíla á Íslandi og þróun þjónustunets fyrir bifreiðar sem ganga eingöngu fyrir rafmagni.

VÍS er einn af aðalstyrktaraðilum Mænuskaðastofnunar Íslands. Með því vill félagið stuðla að því að hægt verði að bjóða fjölbreyttari meðferðarúrræði við mænuskaða og auka líkurnar á því að þeir sem verða fyrir slíkum skaða nái styrk sínum á ný.

Myndhöfundasjóður Íslands - MYNDSTEF - stendur fyrir norrænni ráðstefnu í samstarfi við Háskólann í Reykjavík um tækifæri og ógnanir sem myndhöfundarréttarhafar standa frammi fyrir með tilkomu Internetsins og stafrænnar tækni í upplýsinga- og efnismiðlun. Á sjöunda tug þátttakenda eru skráðir á ráðstefnuna sem fer fram með styrk frá menntamálaráðuneytinu á Grand hótel í Reykjavík, dagana 11. - 12. september 2008.

Jóhann Ólafsson og Co., umboðsaðili OSRAM á Íslandi í 60 ár, undirritaði í gær samning við Ríkiskaup um sölu á ljósaperum til liðlega 650 fyrirtækja og stofnana á vegum ríkis og sveitarfélaga, sem í dag eiga aðild að rammasamningakerfi Ríkiskaupa. Samningurinn er gerður í kjölfar útboðs sem auglýst var á Evrópska efnahagssvæðinu í maí síðast liðnum og er hann til tveggja ára. Heimilt er að framlengja samninginn tvisvar sinnum í eitt ár hvort skipti. Við mat á tilboðum var litið til þriggja meginþátta en það eru verð, þjónusta og hve breitt vöruúrval einstaka aðilar gátu boðið.

„Það má segja að við séum í kapphlaupi við tímann að ljúka þessu verkefni fyrir Impregiló áður en veturinn gengur í garð. Verkið gengur vel enda er keyrt eins stíft og mannskapur og tæki þola,“ segir Gunnar Ásgeirsson verkefnastjóri hjá Hringrás um hreinsun vinnusvæðisins við Kárahnjúka.

Vel hefur gengið að hreinsa tæki og tól út úr húsnæði síldarvinnslunnar á Raufarhöfn og er búist við að verkinu ljúki að mestu í þessari viku. Þegar húsin hafa verið rýmd verður hafist handa við að koma starfsemi Álfasteins fyrir í húsnæðinu en hún er nú á Borgarfirði eystra.

Bílaumboðin Askja og Kia á Íslandi munu á næstu vikum flytja starfsemi sína að Krókhálsi 11 í nýtt og rúmgott húsnæði þar sem Ræsir hefur verið til húsa. Gengið var frá samningum þess efnis síðdegis í gær.

Stærsta bílakynning sem haldin hefur verið hér á landi fer fram í september næstkomandi þegar sjötta kynslóð hinna vinsælu VW Golf bíla verður heimsfrumsýnd á Íslandi. Kynningarátakið mun standa yfir í þrjár vikur og eru um 1500 blaða- og fréttamenn væntanlegir til landsins og atburðurinn því jafnframt mikil landkynning fyrir Ísland.

Fyrr í vikunni var gengið frá endurnýjun á samningi VÍS og Bændasamtakanna um víðtæka tryggingavernd fyrir bændur. Samkvæmt samningnum stendur bændum til boða tryggingapakki sem er sérsniðinn að þörfum hvers og eins.

Umferð í Hvalfjarðargöngum um verslunarmannahelgina í ár var umtalsvert meiri en í fyrra. Umferðin um Fiskidagshelgina í ár var hins vegar talsvert minni en í fyrra.

Eins og í fyrra geta þátttakendur í Reykjavíkurmaraþoni Glitnis í ár valið að hlaupa í þágu tiltekinna góðgerðafélaga. Nærri lætur að á síðasta ári hafi 9 af hverjum 10 íslenskum hlaupurum hlaupið fyrir góðgerðafélög og safnað áheitum frá fjölskyldum og vinum sem vildu hvetja hlauparana til dáða og styrkja um leið gott málefni. Þær skráningar sem þegar liggja fyrir benda til að þessi þróun haldi áfram og að langflestir hlauparanna kjósi að hlaupa í þágu góðgerðafélaga.

Upp úr hádegi laugardaginn 23. ágúst nk. mun grasflötin fyrir framan aðalbyggingu Háskóla Íslands breytast í sannkallað barnaland því þá fer Latabæjarhlaupið þar fram í þriðja sinn í tengslum við Reykjavíkurmaraþon Glitnis. Í fyrra tóku um 4300 börn þátt í hlaupinu sem ætlað er 9 ára börnum og yngri og búist er við að þátttakan geti orðið jafn góð eða betri í ár. Þátttökugjald er það sama og á síðasta ári eða 800 kr. og rennur óskipt til Barnahjálpar Sameinuðu þjóðanna, UNICEF, en Glitnir er einn af bakhjörlum samtakanna á Íslandi.

Ný og fullkomin metanafgreiðsla var opnuð í nýrri þjónustustöð N1 á Bíldshöfða í dag. Um er að ræða fyrstu fullbúnu þjónustumiðstöðina fyrir metanbíla á Íslandi, með sjálfsafgreiðslu fyrir bæði fólksbíla og stærri þjónustubíla. Það var Össur Skarphéðinsson iðnaðarráðherra sem opnaði stöðina formlega með því að dæla metani á fyrsta bílinn sem nýtir þessa nýju aðstöðu.

Í sumar efnir VÍS til þjóðarátaks gegn umferðaslysum í sjöunda skipti. Í ár verður lögð áhersla á að brýna fyrir ökumönnum að þeir haldi ekki út í umferðina í tímaþröng og stressi heldur gefi sér rúman tíma þegar þeir skipuleggja ferðir sínar. Vakin er athygli á hættunni sem fylgir því þegar ökumenn setjast undir stýri án þess að vera í andlegu jafnvægi.

Dollarasjóður MND félagsins hefur veitt Páli Ragnari Karlssyni sameindalíffræðingi og dr. Thomas Schmitt-John, leiðbeinanda hans í meistaranámi við Árósaháskóla í Danmörku, rannsóknastyrk að upphæð 26 þúsund dollurum eða um 2 milljónir ísl. króna til þess að vinna að gerð hagnýts skimunarprófs á MND-sjúklingum.

Yfir 350 vísindamenn Landspítala og samstarfsaðilar þeirra kynna niðurstöður rannsókna við spítalann á vísindadögum sem standa frá 30. apríl - 7. maí næstkomandi.

Síminn hefur ákveðið að bjóða ADSL viðskiptavinum sínum á einstaklingsmarkaði ókeypis aðgang að Websense, sem er ein besta netvörn sem völ er á í heiminum í dag. Lausnin hefur fengið nafnið Netvari Símans og er veigamikill liður í að börn geti leitað sér upplýsinga og skemmtunar á Netinu á jákvæðan og öruggan hátt um leið og Netvarinn ver þau gegn viðsjárverðu efni.

Laugardaginn 1. mars síðastliðinn birti Morgunblaðið grein um eldvarnir í Hvalfjarðargöngum eftir Gísla Árnason rannsóknarlögreglumann. Sama grein hafði áður birst í Skessuhorni í tilefni kjarnaborana í göngunum. Greinarhöfundur gefur sér forsendur sem benda til þess að hann skorti upplýsingar um staðreyndir. Skal nú reynt að bæta úr því.

Sveitarstjórnir Skorradalshrepps, Hvalfjarðarsveitar, Borgarbyggðar og Akraneskaupstaðar þrýsta á stjórnvöld að hefjast handa strax við undirbúning að tvöföldun vegar um Kjalarnes og ganga undir Hvalfjörð. Þetta kemur fram í ályktun sem fulltrúar þeirra samþykktu á dögunum.

Alls fóru um 2.030.000 bílar um Hvalfjarðargöng á árinu 2007 eða 9,3% fleiri en árið 2006. Þetta er í fyrsta sinn sem ársumferðin nær tveimur milljónum bíla frá því göngin voru opnuð og hefur raunar tvöfaldast frá árinu 1999!